2010-3-5 樓蟹人人爭著做 - 投資

Relax係絕對有能力供樓買樓的人，我供一層樓生活也可以輕輕鬆鬆，但現在的我卻是一層物業也沒有，與父母同住，不知幾Relax

其實依家的人知不知什麼叫做「樓蟹」的？好似人人都唔知咁，依家的樓咁鬼貴，一個唔該全世界加息，又或樓價如97後狂跌，供樓的人想唔死都唔得，還有現在的工作市道好好嗎？搵工好易嗎？好易搵錢嗎？為什麼依家還要個個爭著買樓？

爭著買樓的人，總有一千萬個理由，堅信現在要買樓，認為買樓是必須的，一定要的，無可能不買的，否則也不會買。但......真係必須？真係無可能？有無想過後果呀？
就算樓價真係咁好，往後幾年一直保升值，始終總有一天會跌下來，到時你能否度過這黑暗漫長的「樓蟹」歲月？

Relax從不把自己奉為神仙，去預測未來，Relax只會準備未來，迎接未來每一個可能性，有充足現金迎接樓市下跌或加息的來臨，那堅持現在買樓也可以，若借銀行七至九成去供樓的人，未來就真係祝你好運，但願樓價永不下跌，銀行永不加息就好了。
有平的不去買，係要貴的時候爭著買。Relax真係睬你都傻，依家無樓一身輕，與父母開開心心同住，得閒Relax下，努力搵錢，儲定一大筆錢，樓價下跌之時，就可以大展拳腳啦。要我依家買貴樓，跟著十幾年做「樓蟹」，NO WAY ！